Во рамките на одбележување на Неделата посветена на забозаштита и добро орално здравје, а во соработка со Црвениот крст, детската градинка„ Росица “ се вклучи со активности за здравствена едукација на предучилишните деца.
Се реализираат работилници со деца, информативни флаери за родители и електронски обраќања до пошироката општинска јавност со цел подигнување на свесноста и потребата од добро орално здравје и здрави заби.
ЈОУДГ „РОСИЦА“ Ѓорче Петров – Скопје е основана во далечната 1965 година со отворање на првите објекти „Кокиче“ и „Сончогледи“.
Во изминатите 50 години растеше и се формираше семејството на градинката „Росица“. Во 1981 година е отворен објектот „Детелинка“, а во 1982 година објектот „Калинка“. Во поновата историја отворени се во 2012 година објектот „Пампурче“, во 2014 година објектот „Рипчиња“ и во 2016 година објектот “Кокиче”.
