Прославата на нашиот 60ти роденден се одржа во Културниот дом во Ѓорче Петров.
Тимот на „Росица“ заедно со децата подготвија прекрасно доживување кои гостите ги разнежни и им разбуди топли и искрени емоции.
Со бурни аплаузи и по некоја солза беше проследен овој настан кој го обои Културниот дом во боите на Македонија, а детските игри и збор, пропратени со македонска песна направија прекрасна приредба за паметење.
https://www.facebook.com/share/v/19oJfwKVL9/
ЈОУДГ „РОСИЦА“ Ѓорче Петров – Скопје е основана во далечната 1965 година со отворање на првите објекти „Кокиче“ и „Сончогледи“.
Во изминатите 50 години растеше и се формираше семејството на градинката „Росица“. Во 1981 година е отворен објектот „Детелинка“, а во 1982 година објектот „Калинка“. Во поновата историја отворени се во 2012 година објектот „Пампурче“, во 2014 година објектот „Рипчиња“ и во 2016 година објектот “Кокиче”.
