Во рамките на Неделата за борба против туберкулоза, која се одбележуваше од 14-21 септември, градинката Росица во соработка со Црвениот крст се вклучи со активности согласно возраста и можностите на нашите предучилишни деца. Се изработи едукативен флаер за родителите и вработените и се реализираше активност со деца.
ЈОУДГ „РОСИЦА“ Ѓорче Петров – Скопје е основана во далечната 1965 година со отворање на првите објекти „Кокиче“ и „Сончогледи“.
Во изминатите 50 години растеше и се формираше семејството на градинката „Росица“. Во 1981 година е отворен објектот „Детелинка“, а во 1982 година објектот „Калинка“. Во поновата историја отворени се во 2012 година објектот „Пампурче“, во 2014 година објектот „Рипчиња“ и во 2016 година објектот “Кокиче”.
