Во пресрет на новогодишните празници воспитните тимови, стручната служба и децата на градинката Росица подготвија новогодишна куклено – театарска претстава „Маѓепсаниот Дедо Мраз“.
Оваа претстава е сплет од прекрасна музика, сценографија и костими проследен со забавно – едукативна содржина.
Со пораки за добро однесување и желби за среќни празници саканиот Дедо Мраз во наредните денови ги посети и израдува сите деца во нашите шест објекти.
🎅🎄🎈🎁
ЈОУДГ „РОСИЦА“ Ѓорче Петров – Скопје е основана во далечната 1965 година со отворање на првите објекти „Кокиче“ и „Сончогледи“.
Во изминатите 50 години растеше и се формираше семејството на градинката „Росица“. Во 1981 година е отворен објектот „Детелинка“, а во 1982 година објектот „Калинка“. Во поновата историја отворени се во 2012 година објектот „Пампурче“, во 2014 година објектот „Рипчиња“ и во 2016 година објектот “Кокиче”.
